Роман Абрамович и Дарја Жукова се разведуваат

Рускиот милијардер Роман Абрамович и неговата сопруга Дарја Жукова на изложба на слики на Илја Кабаков.

Рускиот милијардер Роман Абрамович и неговата сопруга Дарја Жукова на изложба на слики на Илја Кабаков.

Service de presse
Рускиот милијардер Роман Абрамович се разведува и од третата сопруга.

Роман Абрамович и Дарја Жукова одлучија да се разведат по 10 години заеднички живот, соопштува  Page Six, дел од „Њујорк Пост“. Потоа оваа информација беше подтврди и Super.ru.

Абрамович и Жукова потврдија со заедничка изјава. Одлуката да се разведат ја нарекоа тешка. Имаат намера да останат пријатели, да продолжат заедно да ги воспитуваат двете деца и да останат партнери во сите заеднички проекти. Конкретно, имаат намера да ја продолжат соработката како соосновачи на музејот на современа уметност „Гараж“ во Москва и во проектот „Нова Холандија“ во Санкт Петербург.

Page Six потсетува дека новинарите долго време не знаеја дали Абрамович и Жукова се во официјален брак, сѐ додека во 2015 година „Вол Стрит Џурнал Магазин“ не потврди дека тие се запознале во 2005 година и стапиле во брак неколку години подоцна.

За Абрамович ова е трет брак и развод. Во 2007 година тој се разведе со сопругата Ирина по заемна согласност. Таа доби 300 милиони долари и платени сите трошоци за децата. Бизнисот во целост остана кај Абрамович.

„Форбс“ на својата листа на најбогати луѓе во Русија го стави Абрамович на 12 место и го проценува неговиот имот на 9,1 милијарди долари, пишува „Известија“.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња