Песков раскажа како Путин со GoPro два часа бркал една штука

Претседателот на Русија Владимир Путин пред работната посета на Амурската област речиси два дена престојуваше во Тува. Детали за одморот на шефот на руската држава во Сибир откри неговиот портпарол Дмитриј Песков, пренесува „Лента.ру“.

Песков раскажа за успешниот риболов на Путин во Сибир

Според портпаролот на Кремљ, Путин престојувал во тешкопроодна тајга, возење квадроцикл и, без оглед на ниските температури, се капел во езеро. „Водата во езерото не се загрева повеќе од 17 степени, но тоа не го спречи претседателот да се искапи“, истакна тој.

Шефот на руската држава, исто така, беше и на риболов, овојпат подводен, раскажа Песков. На маската на Путин беше инсталирана GoPro камера чии снимки прес-службата на Кремљ ќе ги објави подоцна. „Бркаше една штука два часа, никако не можеше да ја погоди, но конечно успеа“, додаде портпаролот на рускиот претседател.

Путин беше придружуван од министерот за одбрана на РФ Сергеј Шојгу, како и од првите луѓе на Хакасија и Тува Виктор Зимин и Шолбан Кара-Оол.

При користење на материјалите на Russia Beyond задолжителен е хиперлинк до изворот од кој е преземен материјалот.