Порошенко измисли „Рус-Украина“ и „европски избор“ на кнезот Владимир

Претседателот на Украина Петро Порошенко на прес-конференција. 14 мај 2017, Киев, Украина.

Претседателот на Украина Петро Порошенко на прес-конференција. 14 мај 2017, Киев, Украина.

ZUMA Press/Global Look Press
Претседателот на Украина Петро Порошенко изјави дека Владимир Велики пред 1029 години донел судбоносна одлука – да ја покрсти Рус-Украина и се заложи за признавање на украинската црква, независна од Москва.

Како што напиша Порошенко на својот „Фејсбук“ во петокот, честитајќи им го празникот на Украинците, Владимир Велики пред 1029 години донел судбоносна одлука – да ја покрсти Рус-Украина.

Според зборовите на Порошенко, Владимир ја примил христијанската вера од Константинополската црква, која „за нас и сега претставува Црква-Мајка“.

„Токму од неа очекуваме признавање на автокефалноста на украинската Црква – еднаква на другите помесни православни цркви. И, се разбира, духовно и административно независна од Москва, од земјата-агресор“, изјави Порошенко, пренесува „Взгљад“.

На крајот на честитката претседателот на Украина не заборави уште еднаш да изјави дека „изборот на христијанската вера од страна на кнезот Владимир бил и европски избор“.

 

 

При користење на материјалите на Russia Beyond задолжителен е хиперлинк до изворот од кој е преземен материјалот.