Москва вети одговор на конфронтативните мерки на НАТО

Конфронтативните мерки на НАТО во однос на Русија задолжително ќе добијат воено-технички одговор, изјави постојаниот претставник на РФ во НАТО Александар Грушко во интервју за „Комерсант“ во предвечерието на самитот на Северноатлантската алијанса што ќе се одржи во Варшава на 8 и 9 јули.

u041du0410u0422u041e u0458u0430 u043fu0440u0435u0434u043bu0430u0433u0430 u0437u0430u0431u043eu0440u0430u0432u0435u043du0430u0442u0430 u0438u0434u0435u0458u0430 u043du0430 u041cu0435u0434u0432u0435u0434u0435u0432

„Нам ни предлагаат конфронтативна агенда за каква ние воопшто не сме заинтересирани. НАТО треба да сфати дека од воено гледиште сите тие мерки ќе имаат само спротивен ефект. Затоа што за сите разумни луѓе (уште повеќе за воените претставници) е очигледно дека од наша страна задолжително ќе има воено-технички одговор“, истакна Грушко. Според него, Русија ќе преземе „сѐ што е потребно за сигурно да ја обезбеди својата одбранбена способност“.

Постојаниот претставник исто така потенцираше дека дејствијата на НАТО во Источна Европа „несомнено ја влошуваат ситуацијата“. „Во суштина, се работи за тоа што, користејќи воени средства (на пример, ротација на војници и маневри од големи размери), се трудат да создадат на континентот нови линии на разграничување, да ја спречат реализацијата на проектот за голема Европа и да ја зголемат зависноста на европските земји од САД“, изјави  Грушко.

Тој истакна дека НАТО, зголемувајќи ја воената активност во близина на руските граници, ја поткопува довербата меѓу земјите.  „Фундаменталниот проблем е во тоа што никакви нашминкани мерки на доверба нема да можат кардинално да ги сменат негативните  тенденции во сферата на воената безбедност. Единствено откажувањето на НАТО од сегашната политика и воената изградба во духот на одвраќање од времето на студената војна може кардинално да ја поправи ситуацијата и да создаде предуслови за започнување разговор за мерките на доверба“, изјави Грушко.

Сите права ги задржува „Росијскаја Газета“.