Уралски палеонтолози во Коми открија гробишта на стари пештерски мечки

Уралските палеонтолози открија гробишта на стари пештерски мечки во горниот тек на реката Печора во Коми. Како што за ТАСС изјави вишиот истражувач на Институтот за екологија на растенија и животни на Уралското одделение на Руската академија на науките Павел Косинцев, остатоците се стари околу 40 илјади години.

Научниците откриjа гробишта на мамути и диносауруси во Краснојарскиот крај

„Во текот на летната теренска сезона во горниот тек на реката Печора се пронајдени гробишта на пештерска мечка. Беа пронајдени различни примероци: од млади до стари. Во експедицијата учествуваа членови на Институтот за екологија на растенија и животни на Уралското одделение на Руската академија на науките, како и научници од Рударскиот институт на Уралското одделение на Руската академија на науките во Перм“, изјави Косинцев.

Според Косинцев, приближната старост на остатоците е 40 илјади години. „Тие се доста добро сочувани поради микроклимата во пештерата. Ние ќе спроведеме истражување со овие остатоци, конкретно, ќе ја проучуваме особеноста на морфологијата, бидејќи е интересно како тие живееле на север“, изјави соговорникот.

Тој додаде дека научниците планираат да се вратат во пештерата следната година за да продолжат со истражувањата. „Покрај тоа, мораме да ги извадиме и сите остатоци од мечките анализа“, додаде Косинцев.

При користење на материјалите на Russia Beyond задолжителен е хиперлинк до изворот од кој е преземен материјалот.