Секој втор жител на Русија носител на генетска мутација

Лабораторија за генетика.

Лабораторија за генетика.

Екатерина Чипуренко
Научниците од медицинско-генетскиот центар „Генотек“ (Genotek) во рамките на тестот „Планирање на деца“ спроведоа истражување на ДНК на 2500 мажи (48%) и жени (52%) на возраст од 20 до 45 години и заклучија дека речиси секој втор жител на Русија (44%) е носител на барем една генетска мутација.

Како што изјави првиот човек на компанијата, научниот соработник на Институтот за општа генетика на РАН Валериј Иљински, присуството на мутација во гените на родителите не гарантира раѓање на болно дете.

„Опасноста настанува во случај ако кај идните родители присуствуваат исти мутации. Тогаш веројатноста за раѓање на детето со заболување изнесува 25%, како и веројатноста за раѓање на здраво. А можноста дека детето ќе се роди здраво, но ќе биде носител на генетско заболување, како и неговите родители, изнесува 50%. Во последниов случај детето ризикува да им ја пренесе мутацијата на своите деца“, изјави Иљински, пренесува „Взгљад“.

Меѓу трите најчести заболувања научниците ги наведоа хемохроматозата (4,2% од испитаните), миотонијата или Томсеновата болест (3,1%) и хомоцистеинијата (2,7%).

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња