Перспективниот разурнувач „Лидер“ ќе биде на нуклеарен погон

Макета на разурнувачот на форумот „Армија-2015“

Макета на разурнувачот на форумот „Армија-2015“

Wikipedia.org/Artem Tkachenko
Нацрт-проектот за перспективниот разурнувач „Лидер“, кој се развива за потребите на Воената морнарица на РФ, а кој го одобри Министерството за одбрана на Русија, предвидува нуклеарен погон, соопшти извор во Воено-индустрискиот комплекс.

Перспективниот разурнувач ќе има нуклеарен погон, како што е предвидено со нацрт-проектот. Проектот е одобрен од Министерството за одбрана на Русија, пренесува „Взгљад“ повикувајќи се на извор во Воено-индустрискиот комплекс.

Претходно на 23 август потпретседателот на Обединетата бродоградилишна корпорација Игор Пономарев изјави дека на форумот „Армија-2017“ Министерството за одбрана на Русија го одобрило нацрт-проектот за разурнувачот „Лидер“, но тогаш сѐ уште не било решено дали бродот ќе има нуклеарен или гаснотурбински погон.

Проектот на разурнувачот „Лидер“ 23560 (извозна верзија „Шквал“) чиј депласман е 17,5 илјади тони, должина 200 и ширина 20 метри, беше развиен од проектантско-конструкторското биро „Северни“ под број 23560. Ќе има брзина од 30 јазли, ќе може да плови 60 дена без дополнување на гориво и ќе биде вооружен со 60 противбродски крстосувачки ракети, 128 противвоздушни наведувани ракета и 16 противподморнички наведувани ракети.

Идејното решение за разурнувачот се наоѓаше во Министерството за одбрана на Русија од пролетта 2016 година.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња