Медиум: „Роскосмос“ нема комуникација со три руски сателити месец дена

Ракета „Сојуз МС-04“ на космодромот Бајконур, Казахстан. 20 април 2017.

Ракета „Сојуз МС-04“ на космодромот Бајконур, Казахстан. 20 април 2017.

Ројтерс
Два сателита МКА-Н за далечинско сондирање на Земјата, лансирани во орбитата на 14 јули и малиот сателит на Московскиот авијациски институт сѐ уште немаат стапено во контакт со „Роскосмос“.

Вселенските летала МКА-Н по лансирањето во орбитата поради непозната причина не можеа да стапат во контакт со контролата. Стручњаците веќе повеќе од месец не успеваат да се поврзат со нив, пишува „Известија“.

Според весникот, иста судбина го снашла и сателитот „Искра-МАИ-85“ на Московскиот авијациски институт.

„Роскосмос“ се воздржува од коментари, без да ја потврди или негира информацијата за инцидентот со леталата.

Ракетата-носач „Сојуз-2.1а“ со летало за далечинско сондирање на Земјата „Канопус-В-ИК“ и 72 мали сателити стартуваше од космодромот Бајконур на 14 јули.

На 8 август „Роскосмос“ соопшти за првата инфрацрвена снимка од леталото „Канопус-В-ИК“, пишува „Взгљад“.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња