Русија лансираше ракета со рекорден број на сателити

Денес, 14 јули, од космодромот Бајконур беше лансирана ракета-носач „Сојуз-2.1а“ со 73 вселенски апарати.

Како што соопшти претставник на „Главкосмос“, ова е најголемиот во историјата на Русија број на истовремено лансирани сателити.

„Ракетата-носач „Сојуз-2.1а“ треба да го изнесе во отворена орбита главниот блок со вселенското летало „Канопус-В-ИК“, група од 72 мали сателити и блокот за забрзување „Фрегата“, изјави соговорникот на агенцијата. Тој додаде дека лансирањето беше 09:36 по московско време.

Претходно овој рекорд ѝ припаѓаше на ракетата-носач „Днепар“. Во 2014 година од полигонот Капустин Јар таа изнесе 36 сателити во орбитата.

Во средината на февруари оваа година рекордот го сруши Индија. Таа лансираше ракета PSLV-XL со 104 сателити, пренесува „Росијскаја газета“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња