Претплатник тужи руски мобилен оператор за 30 милијарди рубли

Човек со мобилен телефон.

Човек со мобилен телефон.

ТАСС
Како причина за неговото незадоволство го наведува тоа што операторот му одзел 6 бесплатни минути.

За обидот на жителот на Тамбовската област Алексеј Мелехов да добие отштета во износ од 30 милијарди рубли од мобилниот оператор МТС (повеќе од 431 милиони евра) се вели во извештајот на операторот за II квартал на 2017 година.

МТС ја сместила тужбата во „судски процеси чиј резултат може значително да се одрази на финансиско-стопанското работење“ на компанијата, пренесува „Ведомости“.

Мелехов се суди со операторот повеќе од една година, следува од материјалите на Тамбовскиот областен суд.

Мелехов бил претплатник на пакетот „Smart 022015“ за 450 рубли месечно (околу 400 денари): пакетот вклучува 3 ГБ интернет, 500 бесплатни СМС-пораки и 500 минути бесплатни повици. Кога пакетот услуги во рамките на претплатата ќе заврши, претплатникот плаќа по 1,50 рубли за секоја минута појдовен повик.

Месечниот надомест и новиот пакет бесплатни минути Мелехов ги добивал секој 22 во месецот. Но, на 22 јуни 2016 година, според тужителот, МТС незаконски му одбила 6 бесплатни минути вклучени во претплатата.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња