Роспотребнадзор: Повеќе од 500 Руси се разболеле на одмор во Турција

Час по воден аеробик во хотел во Анталија, Турција.

Час по воден аеробик во хотел во Анталија, Турција.

Владимир Вјаткин/РИА „Новости“
Повеќе од 500 руски граѓани на одмор во Турција се пожалиле на влошување на здравјето поврзано со инфекција од вирусот Коксаки, соопшти прес-службата на Федералната служба за надзор во сферата на заштита на правата на потрошувачите и благосостојбата на човекот (Роспотребнадзор).

Се соопштува дека на жешката линија на институцијата имало повеќе од 500 жалби од туристите поврзани со нивната здравствена состојба. Случаи на разболување на руски туристи од вирусот Коксаки се забележани во хотели во градовите Сиде, Аланија, Белек, Кемер, Анталија и други населени места.

Најголем број од засегнатите се деца до 14 години.

Роспотребнадзор веднаш испрати барање до Министерството за здравство на Турција со барање да даде информации за епидемиолошката ситуација поврзана со вирусот Коксаки. Одговорот сѐ уште нема.

Денеска Федералната агенција за туризам (Ростуризм) ги предупреди руските туристи при патување во Турција. Одморот во таа земја може да претставува опасност за здравјето во врска со зачестените случаи на инфекција од вирусот Коксаки.

Роспотребнадзор ја прогласи за небезбедна за туристи областа околу заливот во турскиот град Анталија, пренесува ИА REGNUM.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња