На МАКС-2017 потпишани договори и спогодби за 400 милијарди рубли

Министерството за индустрија и трговија на Русија соопшти дека во текот на одржувањето на Меѓународниот авиокосмички саем МАКС-2017 се потпишани договори и спогодби во износ од 400 милијарди рубли.

На Меѓународен авиокосмички саем „МАКС-2017“ се потпишани договори и спогодби во вкупен износ од 400 милијарди рубли, се вели во официјалното соопштение за медиумите на Министерството за индустрија и трговија на Русија.

Министерството исто така прецизира дека во саемот учествувале 880 компании од 36 земји, вклучувајќи 180 странски производители.  

Деловниот потенцијал на саемот се проценува на повеќе од 600 милијарди рубли, вклучувајќи ги потпишаните договори и спогодби за испорака на авиотехника вредни речиси 400 милијарди рубли, како и преговори за испорака на производи за сума од околу 36 милијарди рубли.

Авиасаемот од 18 до 23 јули го посетија повеќе од 452 илјади луѓе, соопшти Главната управа на МВР на Русија за Московската област. Во неделата, 23 јули, саемот го посетиле повеќе од 122 илјади луѓе, пренесува „Лента.ру“.

 

При користење на материјалите на Russia Beyond задолжителен е хиперлинк до изворот од кој е преземен материјалот.