Претседателот на Киргизија е против премин од кирилица на латиница

Претседателот на Киргизија Алмазбек Атамбаев е против киргискиот јазик од кирилица да премине на латиница.

Говорејќи на меѓународниот форум „Алтајската цивилизација и сродните народи на Алтајското јазично семејство“, претседателот на Киргизија истакна дека по распадот на Советскиот Сојуз Азербејџан и Туркменистан веќе се префрлија на латиница, Узбекистан се префрлува, а Казахстан „ исто така, неодамна донесе одлука за промена на кирилицата со латинично писмо“, пренесува „Взгљад“.

„Секој пат за желбата за промена на азбуката се дава ново објаснување: на пример, причината, латиницата е азбука на најразвиените земји, преминот на латиница ќе и помогне на економијата на земјата. Но зар тоа ги спречи Јапонија и Кореја кои користат хиероглифи?“,  рече Атамбаев, додавајќи дека латиницата се користи во многу африкански држави, но тоа не им помага во решавање на проблемот со сиромаштијата.

Според Атамбаев, обидот да се објасни преминот кон употреба на латиницата со „можноста да се обединат во туркиските народи“ е неубедлив. „Впрочем, за стотици векови,  турскиот јазик во XIX век многу малку наликувал на јазикот на туркиските кагани на Алтај“, изјави лидерот на Киргизија.

„Зошто во нереалните соништа да создадеме еден заеднички јазик, ние забораваме на нашите браќа кои живеат во Руската Федерација? Забораваме на Татарите, Башкирците, Алтајците, Хакасите и многу други? Зашто тие ќе продолжат да ја користат  кирилицата“, изјави Атамбаев.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња