Руска министерка: Да се врати кирилицата на територијата на ЗНД!

Министерката за образование и наука на Русија Ољга Васиљева истапи со иницијатива за враќање на едно писмо на просторите на Заедницата на независни држави.

„Последниве 10 години имаше многу голема тема: латинизацијата и арабизацијата на писмата. Еве сега ние треба да се вратиме на едно писмо на просторите на ЗНД – тоа е кириличното писмо“, изјави Васиљева.

Според неа, според анкетите, населението на ЗНД „зборува за приврзаноста и неопходноста од кириличното писмо“.

Порталот „Взгљад“ потсетува дека по распадот на Советскиот Сојуз Узбекистан, Туркменистан и Азербејџан преминаа од кирилица на латиница.

Покрај тоа, во април беше предложено и киргискиот јазик да премине на латиница, а пред тоа претседателот на Казахстан Нурсултан Назарбаев наложи казашката азбука да се трансформира во латинична.

Исто така, на крајот на април на интернет се појави и проект за латинска азбука за украинскиот јазик.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња