Пентагон ги објави ризиците за Турција при купување ЗРК С-400

15 јули 2017

Руска реч на македонски

Џејмс Метис изјави дека Турција има суверено право за купување на ЗРК С-400 од Русија, но истовремено ги посочи и ризиците од ваквото дејство.

Првиот човек на Пентагон Џејмс Метис предупреди на ризиците што ќе ги носи Турција при купување на зенитно ракетните системи С-400 „Триумф“. Тој потсети дека руските ЗРК не се компатибилни со техниката на НАТО, чиј член е Турција. Впрочем, тој исто така укажа дека земјата има право да донесе таква одлука, пренесува РИА Новости.

Турција ќе купи од Русија два С-400 „Триумф“

„Проблемот е во тоа колку системите на НАТО се компатибилни со руските системи? Тие никогаш нема да бидат компатибилни“, изјави тој, забележувајќи дека одбранбениот ресор на САД треба да почека и да види на кој начин Турција ќе ги користи руските ЗРК.

Преговорите помеѓу Турција и Русија за купување С-400 започнаа пред неколку месеци. Како што соопшти агенцијата Блумберг Анкара планира да потроши 2.5 милијарди американски долари на руските ЗРК.

При користење на материјалите на Russia Beyond задолжителен е хиперлинк до изворот од кој е преземен материјалот.

русија и турција русија и нато руско оружје Накратко