Повеќе од 3,5 илјади војници од 29 земји ќе учествуваат во АрМИ-2017

Повеќе од 3,5 илјади војници од 29 земји ќе учествуваат во Армиските меѓународни игри (АрМИ-2017).

Ова го соопшти прес-службата на Министерството за одбрана на РФ.

„За правото да се нарекуваат вистински асови во управувањето со борбена техника, за најуиграни и сплотени екипажи и единици, најбрзи и најпрецизни стрелци ќе стапат во борба 134 екипи. Повеќе од 3,5 илјади војници од 29 земји од Европа, Азија, Централна и Латинска Америка и Африка“, соопшти рускиот одбранбен ресор.

АрМИ-2017 се состои од 28 натпреварувања според различни видови на воено-технички специјалности. Игрите ќе се одржат од 29 јули до 12 август во Русија, Белорусија, Казахстан, Азербејџан и Кина, пренесува ТАСС.
 

При користење на материјалите на Russia Beyond задолжителен е хиперлинк до изворот од кој е преземен материјалот.