Медиум: Вашингтон подготвен да го остави Асад на власт во Сирија

„Дејли Бист“ повикувајќи се на извори во Белата куќа ја соопшти новата стратегија на САД за Сирија која, според информациите на медиумите, претседателот на САД Доналд Трамп ќе му ја претстави на рускиот лидер Владимир Путин во Хамбург.

Согласно информациите на „Дејли Бист“, САД ќе се откажат од тезата за неопходното заминување на претседателот на Сирија Башар Асад од власт.

Покрај тоа, Вашингтон ќе се согласи на присуство на воена полиција на Русија во Сирија и поактивно ќе соработува со Москва за сириското регулирање.

Белата куќа има намера да го поддржи создавањето безбедносни зони во цела Сирија, пишува изданието.

Притоа САД планираат американските сили да не се обидуваат да влезат на територијата под контрола на сириските владини сили.

Меѓутоа и опозицијата според планот на САД ќе ја задржи власта на подрачјата кои се под нејзина контрола.

За основна цел се смета ликвидацијата на терористичката организација „Исламска држава“, пренесува „Взгљад“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња