„Гаспром“ и Унгарија се договорија за продолжување на „Турски тек“

Будимпешта и „Гаспром“ потпишаа договор за продолжување на гасоводот „Турски тек“ преку териториите на Бугарија и Србија во Унгарија, соопшти министерот за надворешни работи на Унгарија Петер Сијарто.

Според унгарскиот министер, договорената траса е пореално решение од претходно разгледуваното – преку Романија или Хрватска.

Во моментов се планира Унгарија да биде приклучена на магистралата до крајот на 2019 година, пренесува „Взгљад“.

Во јуни беше соопштено дека Русија ги обновила преговорите со Унгарија и Србија за изградба на „Јужен тек“, иако Москва претходно во повеќе наврати изјави дека нема да се навраќа на тој проект.

Покрај тоа, беше соопштено и дека Бугарија смета на рускиот гас со кој, меѓу другото, се полни гасниот хаб финансиран од Европската комисија.

При користење на материјалите на Russia Beyond задолжителен е хиперлинк до изворот од кој е преземен материјалот.