Претседателот на ФИФА го оцени Купот на конфедерациите во Русија

Претседателот на ФИФА Џани Инфантино го смета за успешен Купот на конфедерациите што се одржува во Русија.

Купот на конфедерациите што се одржува во Русија е голем успех. Ова го изјави претседателот на Меѓународната фудбалска федерација Џани Инфантино за „Советски спорт“ во саботата, 1 јули.

„Овој Куп на конфедерациите помина многу успешно од многу гледишта. Ние многу слушавме за проблемите во Русија, за насилство, за хулигани, за расизам – некој кажа дека на луѓето во Русија нема да им е до фудбал. Но, немаме ниту еден инцидент. Некој имаше прашања за инфраструктурата, но сѐ одлично работеше“, изјави Инфантино.

Првиот човек на ФИФА исто така го истакна рускиот народ. „Луѓето во Русија секогаш се смееја, секогаш беа подготвени да помогнат – тоа и е лицето на рускиот народ“, додаде тој.

Во недела ќе се одиграат последните два натпревари од Купот на конфедерациите. За третото место ќе се борат Португалија и Мексико.

Финалниот натпревар ќе биде меѓу репрезентациите на Германија и Чиле, пренесува „Лента.ру“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња