Лавров ги спореди обвинувањата на САД против Русија со анегдота

Министерот за надворешни работи на Русија Сергеј Лавров ги спореди обвинувањата од Вашингтон и европските земји со анегдота за командантот на дивизијата на Црвената армија Василиј Чапаев.

„Се сеќавате како Василиј Иванович Чапаев одеше во Монте Карло, (играа карти) и кога почнаа да кажуваат кој колкав збир има, некој рече: „Јас имам дваесет и еден“. Чапаев вели: „Покажи“. Одговор: „Кај нас е правило да се верува на збор“. И тогаш на Василиј Иванович му тргна на карти...“, раскажа Лавров, пренесува „Взгљад“.

Според него, слична ситуација има денес со обвинувањата на адреса на Русија: сите страни кои имаа претензии спрема Москва „се раководат според истата максима – дека во пристојно општество е правило да се верува на збор“.

Во исто време Лавров потсети на зборовите на претседателот на САД Роналд Реган „Верувај, но проверувај“.

„Затоа ние ќе им веруваме само на фактите, а нема да веруваме на збор“, изјави министерот.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња