„Комерсант“: „Гаспром“ има намера да го напушти турскиот пазар

Весникот „Комерсант“ пишува дека руската компанија „Гаспром“ може да го напушти пазарот на гас во Турција.

Групата „Гаспром“ може да ги продаде уделите во Bosphorus gas и Akfel Holding. На тој начин, руската компанија може во целост да си замине од внатрешниот турски пазар, останувајќи како извозник на гас, пишува „Комерсант“ повикувајќи се на извори.

Според нивните информации, „Гаспромбанк“ (ГПБ) го завршува излегувањето од компанијата Promak, која го поседува контролниот удел во двете компании-увозници на руски гас во Турција - Enerco и Avrasya. Promak е заедничко претпријатие на ГПБ и трејдерот Akfel Holding.

Како што смета изданието, заминувањето од пазарот може да ја засили преговарачката позиција на „Гаспром“ во споровите за цените, затоа што компанијата веќе нема да има директна заинтересираност во задржување на рентабилноста на продажниот бизнис.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња