Рогозин: Сериското производство на тенкот „Армата“ почнува по 2019 година

Пробната експлоатација на тенкот Т-14 „Армата“ почнува во 2019 година, изјави вицепремиерот на Русија Дмитриј Рогозин.

Сериското производство на најновиот руски тенк Т-14 „Армата“ треба да започне по неговата пробна експлоатација во војската, планирана за 2019 година. Ова го соопшти вицепремиерот на Русија Дмитриј Рогозин на состанокот за текот на реализациите на портфолиото на нарачки за „Уралвагонзавод“.

„Се надевам денеска раководството на „Уралвагонзавод“ ќе потврди дека 2019 година е веќе почеток на пробната експлоатација во војската на „Армата“, т.е. тенкот веќе ќе пристигне на воените полигони, а понатаму во серија“, изјави Рогозин, пренесува „Известија“.

Вицепремиерот исто така изрази надеж дека најновиот тенк ќе им служи на Вооружените сили на РФ со децении, како тенкот Т-72.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња