Зошто Русите можат, но нема да пукаат од Армата

Тенк Т-14 на платформа Армата на улицата Тверскаја во Москва за време на пробата за воената парада по повод 70-годишнината од победата во Големата татковинска војна 1941-1945.

Тенк Т-14 на платформа Армата на улицата Тверскаја во Москва за време на пробата за воената парада по повод 70-годишнината од победата во Големата татковинска војна 1941-1945.

Максим Блинов / РИА Новости
Руските и странските медиуми покренаа лажната вест дека во Русија, наводно се врши разработка на нуклеарен проектил за тенкови од третата генерација Т-14 „Армата“. Патем, слични обвиненија беа објавени за артилеријата уште во советско време, но тешко дека некогаш ќе се користат со тенкови. Експертите објаснуваат за „Руска реч на македонски“ зошто тоа е така.

Една од главните причини поради кои за најновиот руски тенк Т-14 „Армата“ не се врши и нема да се врши разработка на нуклеарна муниција, според руските експерти е поврзана со дострелот на тенковите и опасноста од нуклеарно зрачење на сопствените сили .

„Тенковите пукаат максимум на 3 километри. Употребата на нуклеарна муниција на такво растојание е чисто самоубиство“, вели за „Руска реч на македонски“ шефот на воената програма на телевизијата „НТВ“ Сергеј Кузнецов.

Воениот аналитичар на весникот „Известија“ Дмитриј Литовкин дополнува: „Замислете што ќе се случи на бојното поле, кога техниката ќе почне да пука со нуклеарни муниција на еден километар од луѓето, а ветрот ќе почне да го разнесува радиоактивниот облак во радиус од еден километар“.

Според зборовите на Кузнецов, ако задачата е да се добие проектил со максимална пробивна сила, тогаш „полесно е да се користи проектил со осиромашен ураниум, отколку да се прави нуклеарна експлозија“.

Тенкот Т-14 „Армата“ беше прикажан за прв пат на Парадата на победата во Москва во 2015 година. Меѓу главните препознатливи знаци на тенковите се празната купола и тоа што на базата на истата платформа ќе бидат создадени други видови воена техника – на пример борбена машина на пешадијата, самоодни артилериска лансери, машина за поправка и евакуација и борбена машина за огнена поддршка.

Каде се користени и каде се користат нуклеарни полнежи

Развојот на нуклеарните полнежи со мала големина како тактичко атомско оружје почнува во Советскиот Сојуз во педесеттите години од минатиот век, а десет години подоцна е земена на вооружување во широк спектар на различни тактички муниции, вклучувајќи и артилериски гранати за топови со обичен калибар од 152 до 406 мм.

„Во советско време имало дури и нуклеарни нагазни мини. Затоа авионските бомби, а исто така и артилериските и тенковски гранати во нуклеарна опција, всушност си стоеле во магацините за оружје. Но, користењето на секој од нив се покажало нецелесообразно“, вели Дмитриј Литовкин.

Од артилериските топови, кои во моментов се на вооружување, теоретски со такви проектили, на пример, со гранати 3БВ3 калибар 152 мм, можат да пукаат системите „Мста-С“, „Акација“ и „Хијацинт“. Според зборовите на полковникот во оставка Виктор Мураховски такви проектили во моментов не се на вооружување.

„За воени цели е целисходно да се користат нуклеарните боеви глави на балистички проектили кои летаат на стотици километри. На пример оперативно-тактички комплекс Искандер-М, чии ракети можат да поразуваат цели на растојание до 500 километри“, дополнува Литовкин.

Извор на лажната вест

Руските медиуми ја презедоа веста од изданието „Дипломат“ (The Diplomat) , кое, повикувајќи се на непотврдени медиумски публикации, напиша дека „Руската компанија за оружје Уралвагонзавод (УВЗ) не само што ќе ги надградат најновите верзии на мистериозниот Т-14 со нова 2А83 152 мм митралез, но и ќе се развие нуклеарен тенковски проектил за тактичко користење на бојното поле“.

Нашата кратка истрага покажа дека изворот на лажната вест е публикација на сајтот „Дифенс Уан“ (Defence One) во која началникот на институтот „Потомак“ (Potomac) Филип Карбер тврди дека Русите можат да направат такво нешто.

„Најавија дека дополнувањето на „Армата“ ќе бидат 152-милиметарска артилериски топови. Се зборува дека тие имаат нуклеарна можност. И тогаш си велиш: „Се зборува дека градат нуклеарен тенк, тенк кој испукува нуклеарна ракета? Па, тоа е навестување“, смета Карбер.

При користење на материјалите на Russia Beyond задолжителен е хиперлинк до изворот од кој е преземен материјалот.

Овој веб-сајт користи колачиња. Кликнете овде за да дознаете повеќе.

Прифати колачиња