Советот на ЕУ за надворешни работи ги продолжи антируските санкции

Советот на ЕУ на ниво на шефови на дипломатиите во понеделникот во Луксембург донесе одлука за продолжување на мерките на ограничување против Русија поради присоединувањето на Крим и Севастопол, се соопштува во коминикето на советот.

Санкциите се продолжени до 23 јуни 2018 година, се вели во коминикето на Советот.

Оваа категорија санкции вклучува забрани за увоз во ЕУ на производи од Крим и Севастопол, инвестиции на Крим и во Севастопол, услуги, поврзани со туристичката дејност на Крим и Севастопол за транспортните, телекомуникациските и енергетските сектори, како и за  нафтената и рударската индустрија.

„Како што е наведено во изјавата од 17 март 2017 година на високиот комесар на ЕУ за меѓународни работи и безбедносна политика од името на ЕУ, Европската Унија продолжува да ја осудува незаконската анексија на Крим и Севастопол од Руската Федерација и останува решително настроена во целост да ја реализира политиката на непризнавање“, соопшти во своето коминике Советот на ЕУ, пренесува „Интерфакс“.

При користење на материјалите на Russia Beyond задолжителен е хиперлинк до изворот од кој е преземен материјалот.