Сечин: Целта на антируските санкции е да влијаат на ситуацијата во Русија

Целта на антируските санкции е да влијаат на социјално-економската ситуација во земјата, смета првиот човек на „Роснефт“ Игор Сечин.

Вакво мислење првиот човек на „Роснефт“ даде во интервјуто за весникот „Фајненшел Тајмс“.

„Да се направи полошо и да се влијае на изборите. Тоа е моето длабоко убедување“, изјави Сечин.

„Искрено кажано, не сакам да зборувам за санкциите. Сметам дека се апсолутно неосновани и дури и незаконски. Не смее да се пренесува политичката одговорност на корпоративно ниво. Ние не сме дел од меѓународната политика. Ние не ја формираме политиката“, потенцира Сечин.

„Јас се мачев, обидувајќи се да ја подигнам капитализацијата. Имаше 93 милијарди долари. И тогаш решаваат да наложат санкции. И мојата капитализација, производот на моите напори, се намалува на 62 милијарди долари“, се пожали првиот човек на „Роснефт“.

На 28 март Европскиот суд на правдата во Луксембург ги призна за законски санкциите на ЕУ против „Роснефт“. Оваа одлука беше одговор на обраќањето на британскиот суд, кој побара став од европскиот судски орган по жалбата против мерките на ограничување во Велика Британија, пренесува „Лента.ру“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња