Тилерсон: Нашите партнери нѐ молат да ги подобриме односите со Русија

Сојузниците на САД ширум светот го молат Вашингтон да ги подобри односите со Русија, изјави американскиот државен секретар Рекс Тилерсон.

Државниот секретар на САД говореше на сослушувањата во Сенатот каде раскажа дека партнерите се вознемирени од влошувањето на односите со Русија и се уверени дека лошите односи меѓу Вашингтон и Москва ќе ја направат полоша и нивната сопствена положба.

„Сојузниците, партнерите, големите и малите, и тоа без исклучок... во Европа, на Блискиот Исток, во Југоисточна Азија (велат): „Ве молиме, зафатете се со односите со Русија, тие треба да бидат подобрени“, изјави Тилерсон, пренесува „Взгљад“.

Претходно државниот секретар на САД веќе изјави дека односите меѓу Русија и САД се наоѓаат на крајно ниско ниво и продолжуваат да се влошуваат. Покрај тоа, Тилерсон исто така го нарече нивото на односите како недобро и соопшти дека претседателот на САД Доналд Трамп му наложил да ги подобри односите со Москва.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња