Трамп го повика Тилерсон да ги обнови односите со Русија

06 јуни 2017

Руска реч на македонски

Претседателот на САД Доналд Трамп му кажал на државниот секретар Рекс Тилерсон дека истрагата во врска со наводните врски со Русија на кругот лица околу американскиот претседател не треба да ги поткопува напорите на шефот на американскиот дипломатски ресор за подобрување на односите со Москва.

Ова го соопштува „Ројтерс“ повикувајќи се на Тилерсон.

Тилерсон: Трамп го увери Лавров дека скандалите нема да пречат на односите

Државниот секретар на САД пристигна во главниот град на Нов Зеланд Велингтон. Тилерсон учествуваше во прес-конференцијата на која беше прашан дали го загрижува истрагата за наводните врски со Русија.

„Претседателот јасно ми даде до знаење: не треба да се дозволи она што се случува во сферата на политиката да ми пречи да си ја вршам работата која ми беше наложена во таа смисла. Тој сосем јасно укажа дека треба да постигнеме напредок. Јас навистина немам никаква врска со сите тие прашања“, изјави тој.

Претходно медиумите соопштија дека Доналд Трамп сака да ѝ го врати на Русија нејзиниот дипломатски имот, пренесува RT.

При користење на материјалите на Russia Beyond задолжителен е хиперлинк до изворот од кој е преземен материјалот.

русија и сад Накратко