Горбачов одговори на критиката од Путин за договорите со НАТО

Поранешниот претседател на Советскиот Сојуз Михаил Горбачов изрази збунетост во врска со критиката упатена на негова адреса од страна на шефот на руската држава Владимир Путин, кој истакна дека гаранцијата за неширење на НАТО на исток на времето не била ставена на хартија.

„Што се однесува до „грешката“ на Горбачов, во тие услови беше дури и невозможно да се разгледува правно такво прашање“, изјави Горбачов, пренесува „Взгљад“.

Тој изјави дека до јули 1991 година постоеја два воено-политички блока – НАТО и Организацијата на Варшавскиот договор, при што земјите-членки на Варшавскиот пакт не го поставија прашањето за ставање на хартија на постојните договори.

„Не ми е јасно од што е предизвикана таквата изјава на претседателот на Русија“, изјави Горбачов, повикувајќи да не се заборава што било направено во тоа време во сферата на меѓународната безбедност.

Горбачов изјави дека проширувањето на НАТО почнало кога тој одамна веќе не бил претседател – тој процес почна најактивно од 2000 година.

При користење на материјалите на Russia Beyond задолжителен е хиперлинк до изворот од кој е преземен материјалот.