Русија уништи речиси 99% од резервите на хемиско оружје

До крајот на 2017 година ќе бидат уништени сите резерви на хемиско оружје.

Русија уништи 98,9% од резервите на отровни материи, изјави за „Интерфакс“ началникот на Федералната управа за безбедно чување и уништување на хемиско оружје генерал-полковник Валериј Капашин во понеделникот.

„Во Русија се уништени 39 илјади и 528 тони бојни отровни материи од сегашните 40 илјади, што изнесува 98,9%“, изјави Капашин.

Тој потсети дека шест специјално создадени за тоа објекти во целост се справиле со поставените задачи, уништувајќи ги локалните арсенали на отровни материи. Работите продолжуваат единствено во последниот, седми објект – селото Кизнер во Удмуртија.

Тој исто така истакна дека на објектот „Кизнер“ се доградени и на 1 јули ќе бидат пуштени во работа две крила за уништување на резервите хемиска муниција со луизит и отровни материи од типот Ви-икс.

„Во редовен режим со почитување на сите безбедносни мерки до крајот на 2017 година ќе ги уништиме и нив“, потенцираше генерал-полковникот. „На тој начин, сите резерви на хемиско оружје во Руската Федерација ќе бидат целосно уништени“.

Претходно беше соопштено дека во понеделникот се уништени резервите на бојниот отров сарин.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња