Руски Су-27 пресретна американски стратешки бомбардери над Балтикот

Во вторникот руски ловец Су-27 пресретнал два американски стратешки бомбардери Б-52Н, способни да носат нуклеарно оружје, кои летале до границите на Калининградската област.

Бомбардерите полетале утринава од воздухопловната база Ферфорд во Велика Британија и се упатиле кон Балтичкото море и Полска, пренесува „Взгљад“.

Министерството за одбрана на Русија подоцна потврди дека Русија испратила еден авион-ловец Су-27 за да пресретне еден Б-52 над Балтикот, по што го придружувал сѐ до неговото оддалечување од границите на Русија.

„Екипажот на рускиот Су-27, откако се приближи до воздушниот објект на безбедно растојание, го идентификуваше како американски стратешки бомбардер Б-52 и го придружуваше“.

Авијацијата на САД и другите земји на НАТО редовно вршат извидувачки летови во близина на руските граници. Така, во средината на мај на границите на Калининградската област авиони на НАТО, САД и Шведска реализираа извидувачки летови.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња