Путин укина дел од економските санкции против Турција

Претседателот на Русија Владимир Путин го потпиша указот за укинување на низа економски мерки во однос на Турција, соопшти прес-службата на Кремљ.

Шефот на руската држава ги укина ограничувањата за наем на турски работници кои работеа во Русија, и за работењето на турските компании во одделни сфери.

Путин му наложи на МНР на Русија да ја извести Анкара за делумната обнова на договорот за условите на заемно патување на граѓаните, потпишан во 2010 година. Исто така, рускиот претседател го прошири списокот со турски државјани кои ќе можат да ја посетуваат Русија без визи.

Исклучувањата сега се однесуваат на членовите на екипажите на турските авиони, имателите на службени пасоши кои ја посетуваат Русија за краткотрајни службени патувања и членовите на нивните семејства.

Притоа се потенцира дека исклучувањата ќе важат единствено ако Турција примени исти мерки, пренесува РИА „Новости“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња