„Еј-Би-Си Њуз“: За Меккејн Путин е поголема закана за Америка од ИД

Во интервју за телевизијата „Еј-Би-Си Њуз“, американскиот сенатор од редовите на Републиканската партија Џон Меккејн го нарече рускиот претседател Владимир Путин поголема закана од „Исламската држава“. Политичарот, исто така, ја обвини Русија за обид за мешање во претседателските избори како во САД, така и во Франција.

Американскиот сенатор Џон Меккејн изјави дека го смета претседателот на Русија Владимир Путин за поголема закана од „Исламската држава“.

„Мислам, (Путин) тоа е примарната и најважната во моментов закана. Поважна од ИД. Мислам, ИД може да прави ужасни работи и силно ме загрижува она што се случува со муслиманската вера. И силно сум загрижен од сѐ што се случува.

Но, токму Русите се обидуваат да го уништат темелот на демократијата – да го променат резултатот од американските избори. Не видов потврда дека тоа им успеало, но тие се обидуваа. И сѐ уште се обидуваат! Се обидуваат да влијаат на изборите! Штотуку се обидоа да ги променат резултатите од изборите во Франција.

Затоа го сметам Владимир Путин, кој ја распарчи Украина, суверена држава, кој врши притисок врз Прибалтикот, ги сметам Русите за најголема закана за нас“, заклучи Меккејн, пренесува RT.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња