Макрон му ветува на Путин настојчив дијалог

Претседателот на Франција Емануел Макрон по завршувањето на самитот на Г-7 на Сицилија изјави дека неговиот дијалог со Русија ќе биде настојчив.

„Ќе имам настојчив дијалог со Русија. Но тоа ќе биде дијалог“, изјави Макрон, пренесува „Лента.ру“.

Во понеделник претседателот на Франција првпат ќе се сретне со рускиот лидер Владимир Путин. Според Макрон, тие ќе дискутираат за прашањата за соработка околу Сирија, во текот на која ќе успеат да изработат позиции за создавање долгорочно политичко решение.

Според неговите зборови, сите учесници на Г-7 ја признале улогата на Русија, Иран и Турција во решавањето на сириската криза. „Според тоа сиже неопходно е да се гради политичко решение, истовремено борејќи се во рамките на коалицијата против сите терористички организации“, изјави тој.

„Многу меѓународни проблеми не можат да бидат регулирани без Русија“. Тој потенцира дека „дијалогот со Русија е неопходен“.

Владимир Путин ќе пристигне во Париз во понеделник, 29 мај, на отворањето на изложбата во Версај, посветена на 300-годишнината од патувањето на рускиот цар Петар I во Франција, кое означува и почеток на дипломатските односи меѓу земјите.

 

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња