RT: Војниците на Националната гарда на САД ќе ги научат руски

RT пишува дека припадниците на Националната гарда на САД ќе ја усвојуваат руската воена терминологија, културните особености на Русија, како и историјата на државата. Во моментов Пентагон бара стручњаци кои ќе го предаваат јазикот на специјалните единици на Националната гарда.

Министерството за одбрана на САД бара специјални инструктори кои ќе предаваат руска воена терминологија, како и обичаи и традиции на народот за групите за специјална намена на Националната гарда. Соодветниот тендер е објавен на сајтот за државни набавки на САД.

Изведувачот е веќе најден, меѓутоа никакви информации не се откриваат во врска со него. Датумот на почеток на програмата исто така не е прецизиран.

Војниците на американската Национална гарда во период од 3-6 недели ќе учат руска воена терминологија - од понеделник до петок од 08:00 до 17:00 часот. 

Програмата предвидува запознавање со воена терминологија и обука за практично користење на симболите, како и со значајните за регионот елементи на културата, вклучително и важни историски датуми и лица.

Се планира програмата да трае пет години. Први треба да ја поминат војниците на 20 падобранско-десантен полк на Националната гарда на САД, попознати како „Зелени баретки“.

Националната гарда на САД постојано учествува во странски операции, како што е операцијата „Атлантска решеност“, во која се обидуваа да ја заштитат Европа од наводната руска закана, пишува RT.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња