Екс-шеф на НСА и ЦИА го нарече Трамп „корисен идиот за Русите“

Претседателот на САД Доналд Трамп игра за Русите улога на „корисен идиот“, односно човек кого Русија може да го искористи за своја полза, изјави поранешниот шеф на Агенцијата за национална безбедност (НСА) и Централната агенција за разузнавање (ЦИА) Мајкл Хејден.

„Неколку дена пред изборите се обидував да ја сфатам чудната приврзаност на Доналд Трамп кон Владимир Путин. Тој беше оној, кого Путин и Русите го нарекуваат „корисен будала“, „корисен идиот“, изјави Хајден, пренесува „Взгљад“.

Поранешниот шеф на американското разузнавање истакна дека тој термин се користел во студената војна – така бил нарекуван човек кој бил контролиран од Русија и може да биде искористен во полза на Кремљ. Според зборовите на Хејден, токму терминот „корисен идиот“ сега останува мошне точен опис за Трамп.

Состојбата во САД тој ја споредува со ситуацијата во Никарагва – поради тоа што Трамп ги отпушти државниот обвинител и директорот на ФБИ, „кои отворено истапија од други политички позиции“.

Притоа Хејден изјави дека американските специјални служби сметаат со голема доза на веројатност дека Русија влијаела на кампањата во САД – не врз пребројувањето на гласовите, а имено врз текот на кампањата. Тој ја предупредува и Германија дека треба да се „плаши“ од мешање во изборите за Бундестагот во септември.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња