Трамп му раскажа на Лавров за плановите на ИД да срушат патнички авион

Американската телевизија Еј-Би-Си соопшти за деталите кои претседателот на САД му ги пренел на министерот за надворешни работи на Русија.

Претседателот на САД Доналд Трамп во текот на средбата со министерот за надворешни работи на Русија Сергеј Лавров му раскажал за плановите на „Исламската држава“ да сруши патнички авион кој требало да лета за САД. Ова го соопштува телевизијата Еј-Би-Си повикувајќи на чиновници во Белата куќа.

Вашингтон ја добил таа информација од израелското разузнавање -  во ИД работи припадник на израелските специјални служби на кого сега му се заканува опасност да биде откриен.

Како што соопштува телевизијата, во добиените разузнавачки информации се зборувало за тоа дека ИД разработувала план како да внесат бомба во патнички авион кој би полетал за САД. Бомбата требало да биде скриена во лаптоп. Нејзиното откривање со обична опрема би било тешко. Потоа во Вашингтон почнале да размислуваат да воведат забрана за пренесување лаптопи во авионите кои летаат од Европа за САД. Сепак конечна одлука за ова прашање сѐ уште не е донесена.

Претходно властите на САД воведоа времена забрана за пренесување на големи електронски уреди во рачен багаж во авиони кои летаат од неколку земји на Блискиот Исток и Северна Африка.

Трамп претходно изрази увереност дека имал целосно право да сподели важни информации со Русија во текот на неодамнешните преговори во Вашингтон. „Како претседател сакав да споделам со Русија факти кои се однесуваат на тероризмот и безбедноста на авионските летови. И имам потполно право на тоа“, напиша тој на Твитер“.

„За тоа постојат хумани причини, плус сакам Русија значително да се активира во борбата со ИД и тероризмот“, додаде американскиот претседател, пренесува „Интерфакс“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња