Медиуми: Трамп предал на Русија топ-тајни информации

Американскиот претседател Доналд Трамп им предал на рускиот министер за надворешни работи Сергеј Лавров и на амбасадорот на Русија Сергеј Кисљак тајни разузнавачки информации за „Исламска држава“ за време на нивниот состанок во Белата куќа минатата недела

Ова го соопшти американското издание „Вашингтон Пост“ (The Washington Post) во вторникот (16 мај), цитирајќи анонимни извори. Од Белата куќа ја негираат оваа информација.

Трамп му „открил на рускиот амбасадор повеќе информации отколку што сме споделиле со нашите сојузници“, пишува весникот, повикувајќи се на американски службеник запознаен со ситуацијата. Не е јасно од кого Трамп ги добил предметните информации, посочува РИА „Новости“. Познато е дека САД имаат блиски контакти во областа на разузнавањето со Велика Британија, Израел, Австралија и многу други држави. Вашингтон разменува разузнавачки податоци и со Европската Унија.

По средбата меѓу Трамп и Лавров вработени на Белата куќа се обратиле во ЦИА и во Агенцијата за национална безбедност на САД, за да ги ограничат можните штети од истекот на информациите, додава весникот.



Белата куќа ја демантира публикацијата на „Вашингтон Пост“ и ја нарече „приказната во видот во кој се соопштува“ како „неточна“.

„Претседателот (на САД) и министерот за надворешни работи (на Русија) разговараа за општите закани од терористичките организации, вклучувајќи ги и заканите за воздухопловството. Во никој случај тие не разговарале за извори или за методи за разузнавање и не откривале воени операции за кои јавно не се знае“, рече советникот на Трамп за национална безбедност Херберт Макмастер кој присуствувал на средбата помеѓу двајцата државни претставници.

„Оваа статија е лага. Претседателот разговараше само за општите закани со кои се соочуваат двете страни“, додаде заменикот на Макмастер Дина Пауел.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња