Жирито на „Евровизија-2017“ проговори за корупцијата на натпреварот

Ова го изјави не кој било, ами претседателот на украинското жири на „Евровизија-2017“ поетот Јуриј Рјабчински кој ги откри пред локалните медиуми корупциските шеми на натпреварот, соопшти „Росијскаја газета“ во петокот (12 мај). 

Рјабчински за украинското издание „Зеркало недели“ изјави: "Јас сум навреден од уште еден факт ... Од тоа дека со тековниот буџет на „Евровизија“ можат да се одржат три слични натпревари. Не знам каде гледа нашето обвинителство, но тоа е очигледно - корупцијата е компонента на овој натпревар. На пример, минатата година во Стокхолм се одржа ваков натпревар за 9 милиони евра и беше сосема добар. Во Естонија пред тоа се потрошија 12 милиони евра. Но, за бројките кои ги имаме кај нас, многу земји можат само да мечтаат. Сиромашните од Европа - и најскапата „Евровизија“. „Тоа е театар на апсурдот. И ние, за жал, во овој театар го зазема првото место“, рече поетот во врска со недоследности на натпреварот оваа година.

Новинарите од „Зеркало недели“ се уверени дека буџетот на „Евровизија-2017“ изнесува приближно 30 милиони евра.

Истовремено, според Рјабчински за натпреварот не е изградена посебна концертна сала, ами е изнајмена „исклучителната сала 'Украина'“ за неверојатно висока наемнина. Со други зборови, крајните трошоци треба да се доста скромни. Но, наместо тоа тие изнесуваат 30 милиони евра, истакнаа од изданието.

Првото полуфинале на изданието се одржа на 9, а второто на 11 мај, а финалето претстои во саботата, 13 мај. Оваа година Русија не учествува во „Евровизија“. Победник во националната селекција беше Јулија Самојлова, но на 22 март украинската Служба за безбедност ѝ забрани влез на територијата на земјата во период од 3 години.

Кристијан Костов, годинашниов претставник од Бугарија, исто така бил на територијата на Крим, откако тој стана дел од Руската Федерација, но организаторите на натпреварот официјално изјавија дека не постои проблем околу учеството на бугарскиот кандидат во натпреварот.

Згора на тоа на 12 мај стана јасно дека Русија нема да има право да гласа на годинашниов натпревар, бидејќи нема свој претставник на „Евровизија-2017“. „Ќе гласаат онолку земји, колку што има учесници“, изјави за РИА Новости извор од организаторите.

При користење на материјалите на Russia Beyond задолжителен е хиперлинк до изворот од кој е преземен материјалот.