Во центарот на Москва пронајдени предмети од времето на Иван Грозни

Во центарот на Москва за време на подземните работи во склопот на програмата за уредување на градот насловен како „Мојата улица“, археолозите пронајдоа скриено богатство од времето на Иван Грозни.

Десет ковани монети биле скриени во шуплива шаховска фигура изработена од слонова коска, а истата потекнува од 16 век, вели раководителот на московскиот секретаријат за културно наследство Алексеј Емељаненко, коментирајќи го вредниот археолошки предмет пронајден во центарот на Москва за време на изведувањето подземен ремонт за промена на гасната конструкција.

Според него, вредноста на рачно кованите сребрени монети е од пет копејки. Една монета потекнува од Тверската ковачница за пари, а останатите девет од московската.



Фигурата од слонова коска се состои од три дела споени за завртки. Се претпоставува дека такви биле и останатите фигури за играње шах, а вкупната вредност на скриените пари би можела да изнесува 160 копејки.

Фигурата и монетите се исчистени и заштитени и треба да бидат предадени во музеј.

Археолозите во Москва ги надгледуваат сите работи за кои ќе се процени дека можат да имаат некаква врска со материјални остатоци на културата од минатите времиња, пренесува РИА Новости.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња