Медиуми: Излезе дека Русија не се радува на победата на Макрон

Емануел Макрон на излегување од Елисејската палата по состанок на владата. 15 октомври 2014, Париз, Франција.

Емануел Макрон на излегување од Елисејската палата по состанок на владата. 15 октомври 2014, Париз, Франција.

EPA
Мнозинството лидери на западните земји побрзаа да му ја честитаат на Емануел Макрон победата на претседателските избори; единствен исклучок стана Русија, соопштуваат француските медиуми.

Многумина лидери и политичари од западните земји веќе успеаја да му ја честитаат на Емануел Макрон победата на изборите за претседател на Франција. Меѓу оние кои се израдуваа на неговата победа се претседателот на Европската комисија Жан-Клод Јуннкер, политичарите од Германија, шефовите на Австрија, Италија, Шпанија, Велика Британија, Грција, па дури и на Украина, пренесува RT повикувајќи се на Le Nouvel Observateur.

Впрочем, како што смета изданието, во тој „концерт од честитки“ имаше и една „фалш нота“ – од страна на Русија. Така, шефот на комисијата на Советот на Федерацијата за информациона политика Алексеј Пушков изрази мислење дека „разочарувањето ќе настапи исклучително брзо“, затоа што Емануел Макрон ќе треба да раководи со „поделена, налутена земја“.

Рускиот сенатор навистина објави на својот профили на „Твитер“ низа критики по завршувањето на претседателските избори во Франција.

„Првпат француските избори станаа референдум за односот спрема ЕУ. Приврзаниците на ЕУ победија. Но повеќе одена третина Французи се против. Такво нешто во Франција сѐ уште немало“, напиша Пушков.

„Во екстаза од победата на Макрон: Клинтон, Обама, Меркел, Порошенко, Џонсон. Список може и да не го продолжиме – сѐ е јасно. Кажи ми, кој ти е пријател...“, смета рускиот сенатор.

„На изборите во Франција во секој случај победи жена. Таа жена е А. Меркел. Сега ѝ останува да се одржи на врвот на изборите во својата земја“, смета политичарот, пренесува „Взгљад“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња