Лавров: Во современата политика „повеќе нема правила“

Министерот за надворешни работи на Русија Сергеј Лавров зборуваше за сегашната ситуација во меѓународната политика.

Министерот за надворешни работи на Русија Сергеј Лавров смета дека во моментов ситуацијата во меѓународните односи е потешка отколку во екот на „студената војна“.

„Несомнено, сега е пожестоко... Тогаш постоеја две империи: Западната и Советската, секоја од нив подгреваше конфликти со соперникот на териториите на трети земји. Но никогаш на своите граници и никогаш директно. Дури и јавната реторика беше помека. Тогаш двата кампуса не ги преминуваа границите на дозволеното. Денеска повеќе нема никакви правила “, ги цитира зборовите на министерот магазинот „Есквајр“.

Сегашните односи меѓу Москва и Вашингтон Лавров ги карактеризираше со зборот „очекување“. Според него, тие засега се развиваат по инерција, затоа што на некои места сѐ уште останаа луѓе од тимот на претходниот американски претседател Барак Обама. Истовремено шефот на рускиот дипломатски ресор изјави дека тој и државниот секретар на САД Рекс Тилерсон успеваат да ги градат односите и истакна дека тој имал „ако не пријателски, тогаш добри односи“ со сите државни секретари. Лавров призна дека дипломатите од разни земји можат да истапуваат со жестока реторика против другиот, а потоа нормално да комуницираат меѓу себе, пренесува РИА „Новости“.

При користење на материјалите на Russia Beyond задолжителен е хиперлинк до изворот од кој е преземен материјалот.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња