Захарова реагира на поддршката за убиецот на амбасадорот во Анкара

Портпаролот на Министерството за надворешни работи на Русија Марија Захарова реагираше на изјавите за поддршка на убиецот на рускиот амбасадор во Анкара.

„Бараат од мене да ги коментирам изјавите на официјални лица, општествени дејци, кои започнаа во низа земји информативна кампања со изрази на поддршка за убиецот на рускиот амбасадор. Нема да го коментирам тоа. Опседнатите од ѓаволот не се моја епархија“, напиша Захарова на својата страница на „Фејсбук“.

Таа исто така изјави дека се добиени многу писма и телеграми со сочувство и осуда за терористичкиот чин.

„Добивме илјадници писма, телеграми, повици од обични луѓе, новинари, лидери на држави со зборови на сочувство, поддршка и жестока осуда на терористичкиот напад. Ви благодариме за тоа ја споделувате нашата болка“, додаде таа, пренесува РТ на руски.

Претходно пратеникот во Врховната рада на Украина Владимир Парасјук го нарече „херој“ убиецот на амбасадорот на Русија во Турција Андреј Карлов.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња