Почнаа заедничките поморски вежби на Русија и Кина

Заменик-командантот на Воено-поморската флота на Русија вице-адмирал Александар Федотенков ги коментираше маневрите „Поморска соработка 2016“. Според него, маневрите ќе овозможат зацврстување на заедничката одбрана на Русија и Кина, пренесува РИА „Новости“.

Првите руско-кинески поморски маневри се одржаа во Жолтото море во април 2012 година. Тогаш во нив учествуваа 25 бродови и подморници, 13 авиони, девет хеликоптери и специјални единици.

Федотенков истакна дека маневрите годинава не се разликуваат од претходните маневри.

Во каква состојба е руската флота?

„Секој пат ги зајакнуваме основите на нашата соработка, системите за управување, обезбедувањето на целосна јасност во дејствијата на командирите на единиците“, истакна вице-адмиралот.

Тој особено истакна дека воените вежби со Кина не се насочени против никого. Според него, маневрите се предвидени, пред сѐ, да ги заштитат интересите на двете земји и да ја осигураат безбедноста во светските води. 

„Многу е добро кога две земји, силни големи држави, соработуваат“, изјави Федотенков.

„Тоа е соработка за борба против пиратите и осигурување на бродската пловидба“, додаде вице-адмиралот, потенцирајќи дека маневрите се одржуваат во мирни цели.

Сите права ги задржува „Росијскаја Газета“.