Медиум: Рускиот „Буратино“ надмоќен во однос на западните пандани

Тешкиот ракетен систем ТОС-1 „Буратино“ е ненадминлив во споредба со ракетните системи на западните армии, пишува магазинот „Национален Интерес“.

Експертот на магазинот „Национален Интерес“, воениот историчар Себастјен Тоблен раскажа за предноста на рускиот тежок ракетен систем (ТОС-1) „Буратино“ во однос на западните пандани.

Според историчарот, „Буратино“ нема конкуренција меѓу вооружувањето на западните армии. Иако постојат повеќе западни ракетни системи, сепак тие се со лесен оклоп и наменети за стрелба од скриени огнени позиции.

ТОС-1, напротив, гаѓа со директно наведување – затоа има цел систем за управување со стрелбата, вклучувајќи и ласерски мерач на далечина и балистички сметач. Покрај тоа, возилото има тежок оклоп врз корпус на тенкот Т-72 на чија основа се наоѓа шасијата на системот. Масата на ТОС-1 достигнува 46 тони.

„За тоа постои јасна причина: дострелот на основниот модел на ТОС-1 беше само три километри, поради што возилото можеше да биде предмет на непријателски оган од сите можни орудија“, забележува Роблен.

Модификацијата на „Буратино“ – дел од вооружувањето на руската армија од 2001 година - ТОС-1А „Сонцепјок“ – има поголем дострел, до шест километри.

„Тоа е доволно големо растојание возилото да продолжи да стрела при возвратен оган од повеќето противтенковски орудија“, додава аналитичарот на магазинот.

Сите права ги задржува „Росијскаја Газета“.

Повеќе возбудливи стории и видеа на Фејсбук страницата на Russia Beyond-Македонија

Овој веб-сајт користи колачиња. Кликнете овде за да дознаете повеќе.

Прифати колачиња