„Вол Стрит Џурнал“: Зошто е важна за Ердоган посетата на Москва

Претседателот на Турција Реџеп Таип Ердоган во текот на својата посета на Русија има намера да ги зацврсти позитивните придвижувања во односите со Москва – во сегашните услови тие се покажаа како витално важни за Анкара, пишува „Вол Стрит Џурнал“.

Пред сѐ, Ердоган го вознемирува влошувањето на економската ситуација во земјата кое настана поради кризата во сферата на туризмот и загубата на странските инвеститори. Турските функционери се надеваат дека во текот на претстојната посета претседателите ќе дискутираат не само за геополитичката ситуација, туку и за прашања од сферата на бизнисот и трговско-економските врски, се вели во статијата.

u0421u0440u0435u0434u0431u0430u0442u0430 u043du0430 u041fu0443u0442u0438u043d u0438 u0415u0440u0434u043eu0433u0430u043d: 3 u0433u043bu0430u0432u043du0438 u0442u0435u043cu0438 u0437u0430 u0440u0430u0437u0433u043eu0432u043eu0440

Затоплувањето на односите меѓу Анкара и Москва му оди во прилог на Ердоган во услови на зголемени тензии со САД и Европската Унија, истакнува весникот. Западот реагираше негативно на острите мерки против осомничените за обидот за државен удар.

Посетата на турскиот претседател на Москва покажува дека Анкара не е задоволна од реакцијата на западните земји и недостатокот на поддршка, пишува весникот.

„Турција навистина може да тргне по антизападен пат, стремејќи се да ја забрза нормализацијата на односите со Русија и, во крајна линија, да постигне зближување со неа“, смета претседателот на истанбулскиот аналитички центар за надворешна политика „Едам“ Синан Улген.

Разговорите меѓу двајцата лидери ќе се одржат на 9 август во Санкт Петербург, пишува РИА „Новости“.

Сите права ги задржува „Росијскаја Газета“.