Песков: „Покемоните не се повод за посета на Кремљ“

Кремљ го коментираше новитетот од Nintendo – играта Pokémon GO, која веќе ги сруши сите рекорди по популарност во многу земји ширум светот: „Покемоните не се повод за посета на Кремљ, ризницата на светската култура“, изјави портпаролот на рускиот претседател Дмитриј Песков.

u0424u043eu0440u043cu0438u0442u0435 u043du0430 u0441u0440u0435u045cu0430 u043du0430u0440u0435u0447u0435u043du0438 u0422u0435u0442u0440u0438u0441

Така тој одговори на прашањето на новинарите за ставот на Кремљ во однос на тоа што луѓето ќе почнаат да бараат на негова територија „покемони“ од играта. Притоа Песков додаде дека „Кремљ е несомнено отворен, без оглед на тоа што таму е резиденцијата на шефот на руската држава“, играта е „ако не грешам“, засефга недостапна во Русија.

Pokémon GO е засега официјално достапна само во САД, Австралија и Нов Зеланд, но бројот на нејзини корисници речиси се изедначи со бројот на посетители на Твитер, а во пребарувачот Гугл нејзиниот назив ги надмина пребарувањата како што се „Brexit», новите „Војна на ѕвездите“ и терористичките напади во Париз.  

Играта за мобилни платформи е спој од виртуелна реалност и популарната јапонска франшиза од 1990-те. Таа става на реална карта дополнителен слој со расфрлани покемони и платформи за нив, ги тера играчите да се тркаат по малечки чудовишта на работното место, на улица или во супермаркет.

Сите права ги задржува „Росијскаја Газета“.