Медиум: САД треба да земат пример од Турција и да ги обноват односите со РФ

Откако Русија и Турција ги обновија односите, и Вашингтон треба да ја прекине новата студена војна со Москва, пишува „Форбс“.

„Конфликт меѓу Москва и Анкара поради граѓанската војна во Сирија би бил просто безумие. Таа борба би довела до вистинска катастрофа, доколку во неа би се нашле вмешани САД и НАТО. Сега треба да ги обноват работните односи Америка и Русија“, се вели во текстот.

Ако се успеа да се намали затегнатоста во односите меѓу Москва и Анкара по соборувањето на рускиот Су-24 на небото над Сирија, значи дека тоа е можно и за Москва и Вашингтон. Администрацијата на Обама треба да земе пример од Турција и да појде на отстапки, пишува „Форбс“.

u0417u043eu0448u0442u043e u0415u0440u0434u043eu0433u0430u043d u043cu0443 u0441u0435 u0438u0437u0432u0438u043du0438 u043du0430 u041fu0443u0442u0438u043d

Политиката на Русија спрема Грузија и Украина не ги загрозува САД. Овие држави во текот на долго време се наоѓаа под контрола на Москва и сѐ уште влегуваат во сферата на нејзините интереси. Што се однесува до Вашингтон, Грузија и Украина никогаш немале никаква врска со државната безбедност на САД, се вели во статијата.

Според мислењето на авторот на материјалот, САД во многу нешта сами ја провоцираат Русија. На пример, Москва не може да не ги смета таквите чекори како што се ширењето на НАТО кон руските граници и примањето на поранешните советски држави во свој состав поинаку освен како непријателски. Освен тоа, НАТО си дозволи да се вмеша во ситуацијата во Украина и помогна да се собори легитимниот претседател кој одржуваше топли односи со Москва.

„Можете да си ја замислите реакцијата на Вашингтон доколку Русија би се однесувала на истиот начин со Мексико“, истакнува авторот на статијата.

Според неговите зборови, однесувањето на Русија е потполно разбирливо. Очигледно е дека Москва не планира да ја нападне Европа, да не зборуваме пак за САД. Едноставно претседателот на Русија Владимир Путин сака спрема неговата земја и нејзината национална безбедност да се однесуваат со должната почит, пишува „Форбс“.

Сите права ги задржува „Росијскаја Газета“.