Германски политичар ја осуди „демонизацијата” на Русија

Според дипломатот, Германија е склона еднострано да известува за политиката на Владимир Путин и воопшто не го зема предвид фактот дека мнозинството руски државјани го поддржуваат

Поранешниот државен секретар на германското министерство за надворешни работи и член на партијата на „Зелените“ Лудгер Фолмер напиша отворено писмо во кое ја критикуваше политиката на своите соборци од партијата кон Русија, пишува Frankfurter Rundschau.

Германскиот политичар своите колеги од партијата ги обвини дека го „демонизираат“ претседателот на Русија Владимир Путин, дека ги повторуваат паролите на НАТО и оти на тој начин ја заоструваат затегнатоста на односите помеѓу Берлин и Москва.

Според поранешниот државен секретар, денес нема причина за претпоставка дека Русија планира себеси да си ги присвои Полска и балтичките земји. А, погрешната процена на опасноста што ја дава Западот може да биде исто толку опасна како и вистинската опасност, заклучува Фолмер, а пренесува РИА Новости.

Односите помеѓу Москва и НАТО се влошија во март 2014 година во контекст на ситуацијата во Украина и на припојувањето на Крим кон Русија. Руските власти во повеќе пригоди истакнуваа дека Москва не е заинтересирана за конфронтација, но дека е подготвена адекватно да одговори на дејствијата на Западот.

u0427u0435u0442u0438u0440u0438 u043du0435u0440u0435u0448u0435u043du0438 u043fu0440u0430u0448u0430u045au0430 u043fu043eu043cu0435u0453u0443 u0420u0443u0441u0438u0458u0430 u0438 u0415u0423

Сите права ги задржува „Росијскаја Газета“.