Медиум: Лондон ја виде „раката на Кремљ“ меѓу руските навивачи во Франција

Како што тврди британски „Гардијан“, наводно според достапни податоци, во „бруталните и добро координирани напади“ врз британските и други навивачи во Марсеј и Лил биле вклучени голем број припадници на руските „безбедносни структури“, пренесуваат денес руските медиуми.

Високопоставени претставници на владата на Велика Британија стравуваат дека нередите на руските хулигани на Европското првенство се одобрени од страна на Кремљ и ја откриваат нивната врска со режимот на Владимир Путин, пишува весникот.

u041fu0443u0442u0438u043d:u041du0435 u0440u0430u0437u0431u0438u0440u0430u043c u043au0430u043au043e 200 u0440u0443u0441u043au0438 u043du0430u0432u0438u0432u0430u0447u0438 u043fu0440u0435u0442u0435u043fu0430u0430 u043du0435u043au043eu043bu043au0443 u0438u043bu0458u0430u0434u0438 u0410u043du0433u043bu0438u0447u0430u043du0438

Експерти во британската влада се сомневаат дека станува збор за тактика чија цел е демонстрација на „руската сила“, истовремено создавајќи во Русија мит дека целиот свет се здружил против неа.

Во Лондон кружи теорија која вели дека во нередите на Европското првенство во фудбал што се одржува во Франција се гледа продолжение на она што е веќе дефинирано, како што велат, како руска „хибридна војна“, пишува „Гардијан“.

Како што за весникот изјави извор во британската влада, „многу е тешко да се докаже дека постои одобрение од Кремљ, но ние можевме да видиме дека некои од нив се дел од безбедносните структури на Русија“. Исто така, весникот ја истакнува координираноста на акциите на руските навивачи, присуството на капи, ракавици за борба и бандани. Во статија исто така се споменува и фотографија од 2010 година на која се Владимир Путин и првиот човек на Серуското здружение на навивачи Александар Шпригин, кој е протеран од Франција поради „потенцијална закана“.

Сите права ги задржува „Росијскаја Газета“.