УЕФА: Условна дисквалификација за Русија до крајот на Евро 2016

Унијата на европските фудбалски асоцијации (УЕФА) условно ја дисквалификуваше репрезентацијата на Русија до крајот на Евро 2016 во Франција поради нередите направени од навивачите по натпреварот со репрезентацијата на Англија. Ова во вторникот, 14 јуни, беше објавено на официјалната веб-страница на организацијата, пренесува „Лента.ру“.

Покрај тоа, на Рускиот фудбалски сојуз (РФС) му е изречена глоба во износ од 150 илјади евра. Русите имаат право на жалба.

u0424u0440u0430u043du0446u0438u0458u0430 u0434u0435u043fu043eu0440u0442u0438u0440u0430 50 u0440u0443u0441u043au0438 u043du0430u0432u0438u0432u0430u0447u0438 u0437u0430u0434u0440u0436u0430u043du0438 u043du0430 u043fu0430u0442 u0437u0430 u041bu0438u043b

УЕФА истакнува дека може да примени санкции само за однесувањето на навивачите во рамките на стадионот. Во случај на повторување на слични инциденти, на Русија ќе ѝ биде одземено правото на понатамошно учество на ЕВРО 2016.

Рускиот фудбалски сојуз нема да се жали на одлуката на Дисциплинскиот комитет на УЕФА, соопшти министерот за спорт на РФ Виталиј Мутко, пренесува ТАСС.

Од своја страна, официјален Кремљ повика „Да навиваме за нашите пристојно!“, апелираше портпаролот на претседателот на РФ Дмитриј Песков. Истовремено, тој изјави дека заштитата на интересите на граѓаните на Русија „се обезбедувала и ќе се обезбедува од страна на дипломатите и конзуларните претставници, што и се случува во моментов“, соопштува РИА „Новости“.

Сите права ги задржува „Росијскаја Газета“.